بعد الانتقادات الواسعه لمحمد صلاح على خلفيه غنائه ورقصه مع أحمد سعد في اليونان ميدو واديب يدافعان عنه ويردان على منتقديه
أثارت مقاطع فيديو وصور لنجم المنتخب المصري ونادي ليفربول الإنجليزي محمد صلاح، يظهر فيها إلى جانب المغني المصري أحمد سعد، جدلاً على منصات التواصل في مصر والعالم العربي.
ونشر المغني أحمد سعد على صفحته على إنستغرام مقطع فيديو وهو يغني ويرقص إلى جانب صلاح وعدد من الأصدقاء منهم لاعب المنتخب المصري أحمد حسن الملقب بـ"كوكا"، خلال إجازة في أحد الشواطئ اليونانية.
ورقص صلاح خلال الحفل الخاص بتفاعل كبير مع أغاني أحمد سعد "إيه اليوم الحلو ده" و "وسع وسع".
النجوم في إجازة
كما ظهر محمد صلاح في ذات اليوم، في صورة نشرها الفنان والممثل المصري محمد رمضان على حسابه الشخصي على إنستغرام، وهما على شاطئ البحر أرفقها بتعليق "يا حبيبي يا مو".
ووفق مصادر إعلامية، فإن صلاح وسعد ورمضان وعددا من نجوم الفن وكرة القدم والأصدقاء المقربين، يقضون إجازتهم السنوية هذا الصيف في مدينة ميكونوس اليونانية.
جدل واسع
تفاعل جمهور وسائل التواصل ومعجبو النجوم المصريين الذين ظهروا في الحفلة "الراقصة" في اليونان، مع هذه المقاطع، بين من وجه انتقادات حادة لهم، وبين من اعتبرها حرية شخصية.
حيث وجهت ميادة المصري في تغريدتها انتقاداً لمحمد صلاح وأحمد سعد مع عدد من الأصدقاء الذين يحيون حفلاً "صاخباً" في إحدى الجزر اليونانية، في وقت تعاني فيه مصر ديوناً ومشاكل اقتصادية كبيرة، على حد تعبيرها.
#فخر_العرب و #أحمد_سعد غرقانين في بحر الكلوتات والبرهات وصهد الاورجازم علي جزيرة يونانية أغاني وشرب ونسوان وفرفشة وتغرق مصر في ديونها ومشاكلها ولا تولع باللي فيها واحنا مالنا.. صدق الحجار لما قال احنا شعب وانتو شعب ! pic.twitter.com/YLiBez4YWz
— Mayada Al-Masry (@hasrimaydia) July 7, 2023
ويستغرب حسام حسيب في تغريدته من انتقاد نجم كرة القدم محمد صلاح، ويقول: "الأجواء أجواء مصيف وإجازة، وصلاح شاب مصري ناجح في مجاله، ووصل العالمية بتوفيق ربنا ثم اجتهاده، لا هو قديس ولا إمام جامع، وليس لأحد الحق في إجازته كيف يقضيها".
اعزائي اللي زعلانين ان صلاح في مصيف بيرقص مع احمد سعد
— Hossam Hassieb (@HOSSAM_HASSIEB) July 9, 2023
الاجواء اجواء مصيف واجازة
وصلاح شاب مصري ناجح في مجاله ووصل العالمية بتوفيق ربنا ثم اجتهاده
لاهو قديس ولا امام جامع
ولا حد له الحق في اجازته يقضيها ازاي
كفاية بيض واتبطوا
وانجوي يا ابوصلاح
بس كده pic.twitter.com/63LqBPqP8M
ويقول ياسين في تغريدته إن مشهد أحمد سعد ومحمد صلاح وهما يغرقان فيما أسماه "بحر الكلوتات"، في حين أن الشعب المصري منشغل في ديون مصر، يستدعي التفكير، وأضاف: "على رأي علي الحجار أنتم شعب وإحنا شعب".
مشهد أحمد سعد وفخر الضحك وهما غرقانين في #بحر_الكلوتات و #صهد_الاورجازم والشعب بيفكر في #ديون_مصر والغلاء مشهد يستدعي التفكير 😌
— YaSSeeN | ياسين 💙 (@YaSSeeN1king) July 8, 2023
علي رأي علي الحجار انتم شعب واحنا شعب 👋 pic.twitter.com/DqM4EIf1UI
ويتعجب شريف من التدخل بالحياة الشخصية لأي إنسان، قائلا: "كل إنسان حر يستمتع بطريقته، ولا أحد يعرف الخير اللي الناس أمثال صلاح بتعمله في الخفاء، نصفى النية عشان ربنا يكرم البلد".
وانت مالك..كل إنسان حر يستمتع بطريقته..ومحدش يعرف الخير اللى الناس دى بتعمله ف الخفاء .نصفى النية عشان ربنا يكرم البلد #بحر_الكلوتات
— sherif popo (@HH2010411) July 9, 2023
واستغربت كيرا في تغريدتها أيضاً الهجوم الذي يتعرض له محمد صلاح بسبب هذا الفيديو، وأضافت: طاولة صلاح كلها رجال ولا يوجد أي امرأة بينهم، وأمامه فنجان قهوة، ومن منا لو جاء أحمد سعد بجانبه وهو يغني لن يتفاعل معه".
طربيزة محمد صلاح كلها رجاله مفيش ست فى وسطهم و ادامه فنجان قهوة و بعدين مين فينا لو جه احمد سعد جمبه و قف و قعد يغنى مش هيتفاعل معاه مش معنى ده انه بيشرب و سكير و وحش 🧐 مستغربه هجمومكم عليه بصراحه #بحر_الكلوتات
— 亗ڪيرآ亗 (@keerabupg) July 9, 2023
ويسخر عبد الرحمن شاكر من الربط غير المنطقي بين "ديون مصر والظروف الاقتصادية" وبين "إجازة صلاح أو غيره"، موضحاً: "في أوقات معينة عندما يغضب الناس بسبب ظروفهم، فإنهم غير قادرين على التمييز فيما يطرحونه، وهنا الكلام لا يخضع للمنطق بقدر ما يخضع للغضب".
طبعا انا قادر افهم كم العبث ان موضوعين زي (ديون مصر وظروف البلد الاقتصادية) و (أن محمد صلاح - او غيره- بيقضي إجازته في اليونان) يتحطوا في جملة واحدة...بس عايز اقول ان في اوقات معينة لما الغضب بيجيب اخره الناس متبقاش قادرة تميز اوي والكلام مش بيخضع للمنطق علي قد ما بيخضع للغضب
— Abdelrahman Shaker (@abdlrhmanshaker) July 8, 2023
ميدو يدافع عن محمد صلاح:سيبوه لحاله
دافع أحمد حسام ميدو، عن الدولي المصري محمد صلاح نجم ليفربول الإنجليزي ضد الانتقادات التي تعرض لها اللاعب بعد الفيديو الذي ظهر من خلاله وهو يرقص مع الفنان أحمد سعد.
قال ميدو في تصريحاته عبر برنامج الريمونتادا على قناة المحور: «متعجب من الانتقادات التي تعرض لها محمد صلاح بعد رقصه مع أحمد سعد في إجازته الخاصة».
أضاف: «بقينا نبص للناس في كل حاجة بتعملها ليه؟ واحد زي محمد صلاح سيبوه في حاله، ملكوش دعوة هو بيعمل ايه، بيستمتع بإجازته كل واحد بيستمتع بإجازته بطريقته الخاصة».
وواصل: «صلاح نموذج لأي حد في الدنيا عايز ينجح وبيضرب فيه المثل في كل مكان وأطفال ليفربول يرون أن محمد صلاح قدوة بالنسبة لهم».
واختتم: «عايزين ايه من محمد صلاح تاني، أي شخص عشان يعمل شغله صح وبذهن صافي محتاج إجازة، ياريت الناس كلها تبقى زي محمد صلاح تعمل شغلها كويس وبعد كدة روح إجازتك».
عمرو أديب يعلق عالمنتقدين: هما دول معاهم فلوس يسددوا ديون مصر
علق الإعلامي عمرو أديب على انتقادات البعض لمقاطع الفيديو المتداولة للاعب العالمي محمد صلاح، وهو يرقص مع الفنان أحمد سعد، على أغاني الأخير، قائلًا إن الأمر ينم عن «مرض نفسي».
وقال خلال تقديمه لبرنامج «الحكاية»، المذاع عبر فضائية «MBC مصر»، مساء السبت: «اللي عملوه بعض الناس في محمد صلاح وأحمد سعد من إمبارح لحد النهاردة أقل ما يقال عليه إنه مرض نفسي.. ناس حقودة وجواها سواد».
وأضاف: «راجل بيتفسح وسعيد ويرقص ويغني إيه الفكرة والحالة؟ في ناس علقت: (بدل ما تروحوا هناك سددوا ديون مصر)، هما دول معاهم فلوس يسددوا ديون مصر؟».
ونوه أن البعض طالب بتجريد «صلاح» من لقب «فخر العرب» وإطلاق أي لقب آخر عليه، بينما يسعى البعض الآخر لتحقيق أهداف أخرى، مضيفًا: «الناس تنبسط وتروح وتغني وترقص، هو واخد فلوس منك أو واخد منك حاجة أو عاملك مشكلة؟ ده في اليونان!».
وروى أنه رأى «صلاح» أثناء فترة تدريباته وما يبذله من مجهود مضنٍ طوال العام، مستطردًا: «هو حر يروح يتفسح ويلعب ويهزر ويعمل اللي هو عاوزه، جرا لكم إيه، سيبوا الناس في حالها وخليكم في حالكم، هو ده اللي هيصلح البلد!».
واختتم: «لو محمد صلاح وأحمد سعد مراحوش رقصوا في اليونان البلد هتتصلح بكرة؟ أيوة شايفين الناس عايشة إزاي، روح أي مصيف في راس البر أو إسكندرية وبلطيم الناس بترقص وتغني وسعيدة وكل حاجة، إيه المشكلة يعني.